ANG “CARTA D’IDENTITÀ”

Ang “carta di identità” ay  kard ng pagkakakilanlan o pambansang ID. Ito ay isang personal na dokumento na nagsisilbi bilang patunay ng iyong pagkakakilanlan.

Kung ikaw ay isang mamamayan ng isang bansang hindi kasapi ng unyon ng mga bansang Europeo, kailangang daladala mo sa lahat ng panahon ang kard na ito kasama ng iyong permesso o carta di soggiorno o pahintulot ng pagpapanatili at pagtatrabaho.

Upang magkaroon ng kard ng pagkakakilanlan o pambansang ID kailangang kumuha ng ‘appointment’ sa  URP (ibig sabihin Ufficio Relazioni con il Pubblico o Opisina/Tanggapan ng Ugnayang Pampubliko) – servizio anagrafe o tanggapan ng pagpapatala ng iyong ‘quartiere’ o purok o sa URP  ng Piazza Maggiore.

Kung ikaw ay hindi residente ng Comune ng Bologna, ang URP sa Piazza Maggiore ang tanggapan na kailangang puntahan. Kumuha ng appointment online, i-click ang nakasulat “servizio online dedicato” sa website na ito.

Anu-anong mga dokumento ang kailangang dalhin sa URP-Anagrafe upang makakuha ng kard ng pagkakakilanlan?

Kailangang magdala:

• ng isang retrato na passport-size (na hindi hihigit sa anim na buwan ang gulang mula nang kinuha); 

• ang dating carta o kard kung may bisa pa; 

• ang iyong tessera sanitaria o health card o codice fiscale o tax identification code; 

• ang iyong permesso o carta di soggiorno o resibo ng renewal nito kung ikaw ay isang mamamayan ng isang bansang hindi kasapi ng unyon ng mga bansang Europeo.

Pagkatapos mong makapunta sa URP-Anagrafe at maihain ang iyong aplikasyon, ang carta di identità o kard ng pagkakakilanlan ay ipapadala sa iyong tirahan sa pamamagitan ng koreo o ordinary mail. Kailangang maghintay ng ilang araw.